Një farmacist është dënuar me 25 vite burg, pasi përdhunoi një studente dhe më pas i preu kokën dhe ia zjeu në një sobë në kuzhinën e tij.
Mediat e huaja raportojnë se 28-vjeçari Rakhmanberdi Torebekov abuzoi seksualisht me 19-vjeçaren Ayazhan Edilova dhe më pas e vrau në mënyrën e tmershme për të mos lënë gjurmë.
Videot e siguruara nga hetuesit tregojnë se 19-vjeçarja stiliste, shkoi në muajin mars në apartamentin e tij në qytetin juglindor të Almaty për t’i marrë masat për një kostum. Papritur farmacisti shihet në video duke e futur viktimën e tij në një ashensor pak para se të fillonte sulmin barbar.
Hetuesit thanë se farmacisti ‘i çmendur’ sulmoi seksualisht studenten e dizajnit të modës dhe pasi ajo refuzoi të bënte seks me të, ai i preu kokën ia zieu atë dhe i shkuli dhëmbët.
Ishte vëllai i Edilovës ai që ngriti alarmin për motrën dhe kur policët hynë në banesën e farmacistit, ai preu fytin e tij dhe u dërgua me urgjencë në spital. Më vonë Torebekov pranoi se ai shpërndau pjesët e trupit të viktimës së tij në kosha plehrash nëpër qytet.
Familjarët e vajzës kërkuan dënim maksimal për 28-vjeçarin, por ai u la në burg për 25 vjet.
