FOTO LAJM: Bujar Nishani në grushtin e shtetit 14 shtator 1998
Dje ishte 17 vjetori i një prej ngjarjeve më të rënda të historisë shqiptare të pas ‘90-s. Në 14 shtator 1998 varrimi i deputetit Azem Hajdari vrarë 2 ditë përpara u kthye në një grusht shteti ku u sulmua Kryeministria dhe u mor godina e TVSH. 17 vjet pas ngjarjeve të rënda të asaj date, një nga drejtuesit e njerëzve të armatosur që morën institucionet, Izet Haxhia dëshmon në gazetën Dita se gjithcka ka qenë e paramenduar dhe organizuar dhe se urdhërat merreshin nga selia e PD dhe kreu i saj Berisha.
Politikanët me pak përjashtime nuk folën në këtë përvjetor të dhunës politike mbi qytetarin dhe institucionet. Shumë prej atyre që kanë qenë aktivë atë ditë, sot janë edhe në pozicione kyçe të shtetit, si rasti i Presidentit Nishani.
Kjo foto e publikuar nga gazeta Dita tregon momentin e braktisjes së arkivolit të Azem Hajdarit. Ndërsa burri në qendër është vetë presidenti i sotëm i Republikës Bujar Nishani.
