Detaje të reja janë zbardhur nga vrasja që tronditi Tiranën mbrëmjen e së hënës.
Sipas mediave informative, viktimë i riu Vilson Tafçiu (Noka), i cili është qëlluar me armë zjarri në një rrugicë, në zonën e Astirit, pranë një lokali.
Vilson Tafçiu mësohet se ka jetuar edhe në Belgjikë, përveç Francës ku qëndroi në paraburgim për 8 muaj pasi ishte arrestuar për drogë.
28-vjeçari Vilson Tafçiu prej tre ditësh qëndronte në Tiranë, pasi kishte ardhur nga Dibra për varrimin e gjyshes, që jetonte në Institut. Mësohet se viktima që i njihej edhe me mbiemrin Noka mbrëmë ishte i shoqëruar me dy persona në një lokal në rrugën “Teodor Keko” në zonën e ‘Astirit’, kur është thirrur në emër për të dalë jashtë dhe është qëlluar për vdekje me tre plumba në gjoks nga një person.
Për vrasjen ende nuk ka asnjë të arrestuar. Pas ngjarjes kamerat e sigurisë kanë kapur dy makina që kanë ikur me shpejtësi, por kapën të gabuarën.
Ndërkohë, nuk dihen ende shkaqet dhe autorët e krimit të rëndë, por policia ka ngritur pika kontrolli në të gjitha akset rrugore. /e.s/
