Shqiptari Fatmir Hamiti, 54 vjeç, lindur në Dukat-Vlorë. i dënuar me 18 vjet burg për “Vrasje me dashje”, eshte esktraduar nga Milano/Itali, drejt vendit tonë. Gjykata e Rrethit Gjyqësor Vlorë me vendimin penal nr. 77 datë 21.06.1996, shtetasin Fatmir Hamiti e ka dënuar me 18 vjet në burg për kryerjen e veprës penale “Vrasje me dashje”, parashikuar nga Kodi Penal. Si rezultat i bashkëpunimit të Interpol Tirana me Interpol Roma/Itali, u bë i mundur arrestimi provizor i tij në Milano/Itali, me qëllim ekstradimi drejt vendit tonë.
NGJARJA:
Ishte 22 qershorit i vitit 1995, kur Fatmir Hamiti, polic në Policinë e Vlorës në atë kohë 33 vjeç me 5 plumba të dalë nga arma e punës, ka qëlluar dhe ekzekutuar një person, gjatë një sherri.
Arrestimi i është bërë gjatë natës pas më shumë se 19 vitesh nga karabinierët e Venezias gjatë operacionit të koduar “Kameleoni”. Shqiptari ishte identifikuar në Venecia edhe falë bashkëpunimit me Intepol Romën dhe Policinë e Vlorës dhe më në fund është vënë në pranga.
Ai jetonte nën emrin e rremë Neshat Nelaj.
Në kohën e ngjarjes, Hamiti ishte punonjës në zyrën e emigrimit në Policinë e Vlorës. Krimi kishte ndodhur pranë gjykatës.
Atëherë ai ishte arrestuar, por më pas në vitin 1996 ai ishte bërë protagonist i një arratisje spektakolare nga burgu, duke nisur edhe fillimet e kërkimit ndërkombëtar të tij.
Policia e Venecias fillimisht kishte marrë informacione në lidhje me dokumentet shqiptare të Fatmir Hamitit dhe më pas kishte verifikuar lëshimin e dokumenteve italiane, për të arritur deri tek identiteti i ri dhe i tanishëm i shqiptarit të shumë kërkuar falë bashkëpunimit me RIS.
Më pas kishte nisur një mbikëqyrje e gjatë e personit dhe komunitetit shqiptar, duke identifikuar të afërmit e shqiptar të të kërkuarit dhe më pas policia në analizën e fakteve kishte arritur që të kapte Fatmir Hamitin.
Në 13 vitet e fundit Hamiti kishte jetuar me nën identitet fals dhe jetonte e punonte i qetë në Venecia pa rënë në sy fare. Ai tani do të ekstradohet për në Shqipëri, ku do të vuajë dënimin prej 18 vitesh.
ma.me
