Ministri teknik për Punë të Brendshme i Maqedonise, Naqe Çulev ka konfirmuar sot se gjatë aksionit të mbrëmshëm në Krushopek të Sarajit është konfiskuar vetëm një kilogram kokainë.
Aktualisht janë arrestuar 4 persona të cilët janë ndaluar në stacionin policorë, ndërsa gjatë ditës pritet të dalin para gjykatësit. Bëhet fjalë për operacion ndërkombëtar, ne te cilin jane perfshire edhe vendet e tjera.
“Personat që janë arrestuar, unë i përmenda. Në rast se gjatë hetimit del që edhe persona te tjerë dhe kompani te tjera janë të përfshira, atëherë hetimi do të zgjerohet. Në shtetin tonë është konfiskuar vetëm një kilogram, sasia tjetër është në shtet tjetër, bëhet fjalë për një sasi të madhe por nuk mund ta them për të mos dëmtuar hetimin. Ditëve në vijim do të mësoheni me detajet por edhe sasinë e drogës”, tha Çulev duke mos dhene më shumë detaje.
“Gjithçka që do të shtoja, vetëm se do të dëmtoja hetimin. Këto që thuhen këtu janë oficiale, gjitha tjerat janë spekulime”, tha Çulev.
“Deri pas orës 24:00 janë kryer bastisje, nuk kanë kaluar as 12 orë nga bastisjet. Bëhet fjalë për operacion ndërkombëtarë. Kaq mund të them për këto 12 orë. Flas për informata zyrtare dhe jo për atë që kanë shkruar mediat”, u shpreh Çulev.
Ministri tha se pas aksionit janë arrestuar katër persona. J.K drejtuesi i kamionit dhe S.E pronar i kompanisë, si dhe dy punonjës të tjerë, të cilët në momentin e aksionit kanë qenë në depo R.E dhe J.I.
Ai shtoi se përpos personave dhe kokainës, policia ka konfiskuar edhe mjete financiare, telefona celularë po edhe një mjet transportues. Çulev njoftoi se kompania pjesën më të madhe të frutave ndër vite e ka importuar nga Kolumbia, kurse një pjesë tjetër nga Ekuadori.
g.kosovari
