Personi që shikoni në foto është babai i Fernandos, djalit të këngëtares, Çiljeta Xhilaga. Fotoja është publikuar nga “IconStyle”, e cila shkruan se personi në fjalë është ai që e bëri nënë këngëtaren në shkurt të vitit 2013, por pa i zbuluar emrin.
Në foto, shihet se Fernando shfaqet mjaft i buzëqeshur krah të atit. Bashkë me ta, është edhe një djalë tjetër, i cili sipas të njëjtave burime është vëllai i Fernandos nga babai. Kjo gjë na lë të nënkuptojmë se babai i Fernandos ka një tjetër familje.
Këngëtarja Çiljeta Xhilaga u bë nënë për herë të pare në vitin 2013, teksa solli në jetë Fernandon. I vogli tashmë është shtatë vjeç. Pavarësisht kohës që ka kaluar, këngëtarja nuk ka folur kurrë për babain e fëmijës së saj duke e ruajtur me mjaft fanatizëm. Së fundmi, Çiljeta i ka dhënë fund edhe lidhjes me portierin e “Partizanit”, Alban Hoxha. Dyshja kishin nisur një marrëdhënie prej tre vitesh, por i dhanë fund krejt papritur.
g.kosovari
