Një 48vjeçar shqiptar është gjetur i vdekur në shkallët e një pallati në Genova, në Itali. Pavarisht ndërhyrjes nuk ishte e mundur që shqiptari të kthehej në jetë. Sipas raporteve të policisë së Genovas thuhet se shqiptari ka rënë nga kati i fundit i pallatit dhe ka ndërruar jetë menjëherë.
Paraprakisht dyshohet se bëhet fjalë për vrasje, pasi policia italiane thotë se shqiptari mund të jetë shtyrë nga dikush ose mund të jetë edhe një aksident gjatë punës.
“Brenda pallatit po bëheshin punime dhe ne besojmë se mbrapa është një sherr mes punonjësve në katin e 6-të dhe 7¬të”, thotë kreu i policisë, Annino Gargano. E për momentin nuk dihet asgjë për vrasësit ose vrasësin.
Lidhur me detajet e ngjarjes së ndodhur rreth orës 15:00, policia do të marrë në pyetje të zotin e apartamentit ku po kryheshin punimet. Zyrtarisht shqiptari i paidentifikuar rezulton i papunë që prej vitit 2011.
ma.me
