Një djalë i ri nga Kavaja, i cili prej tre muajsh ishte deklaruar i zhdukur, është gjetur i vdekur dhe i groposur në Maqedoni.
Bëhet fjalë për 35-vjeçarin nga Kryevidhi i Kavajës, Riku Beu. I riu është gjetur i vdekur në Shkup të Maqedonisë, i groposur.
Ka qenë analiza e ADN-së, në trupin e pajetë të gjetur pak ditë më parë të groposur, ajo që ka konfirmuar identitetin e viktimës.
Autoritetet shtetërore në Shkup kanë kryer të gjitha verifikimet, në bashkëpunim edhe me homologët shqiptarë. Analiza e ADN-së dhe materiali gjenetik i marrë nga trupi i pajetë, rezulton se përputhet me shenjat e gishtave të Riku Beut.
Rezultatet e ADN-së ju janë komunikuar familjarëve, ndërkohë që rrethanat e vdekjes së Beut nuk bëhen me dije.
35-vjeçari rezulton i martuar dhe baba i dy fëmijëve. Viktima njihej edhe me emrat Tauland dhe Shyqyri Beu, i cili dyshohej se transportonte kanabis sativa drejt Maqedonisë, për llogari të një grupi nga Elbasani, duke kaluar ilegalisht kufirin.
Kujtojmë këtu se policia shqiptare, por dhe ajo maqedonase, e kanë pasur të skeduar 35-vjeçarin Riku Beu dhe dispononin gjurmë të gishtave të tij.
g.kosovari
