Tamara Ecclestone, vajza e ish-bosit të Formula 1, Bernie Ecclestone, ka rënë pre e një grabitje spektakolare.
Ndërsa ndodhej në një udhëtim me vajzën e saj për pushime, grabitësit kanë hyrë në vilën e saj në Londër, që kushton 70 milionë paund, dhe kanë marrë gjithë bizhuteritë e saj dhe objektet e tjera të shtrenjta, që sipas “The Sun”, kushtojnë plot 60 milionë euro.
Grabitja mund të konsiderohet si një ndër më spektakolaret në histori, duke qenë se vila survejohet gjithë kohën me kamera dhe për më tepër ka edhe disa badigardë që e ruajnë.
Grabitësit jo vetëm që kanë hyrë në vilë pa u vënë re, por kanë mundur të hapin edhe kasafortat e 35-vjeçares, e cila mbante aty gjithë bizhuteritë e saj me vlerë miliona euro.
Policia tashmë ka nisur hetimet, por për momentin nuk ka asnjë gjurmë të grabitësve.
Grupi i grabitësve ka mundur të hyjë në lagjen e vilave në Kensington dhe pse ambienti është i survejuar 24 orë në ditë.
Vila 70 milionë paund e Tamara Ecclestone është e vendosur në një nga lagjet më elegante të kryeqytetit britanik dhe është e përbërë nga 57 dhoma.
Vetë 35 vjeçarja Tamara vazhdoi pushimet e saja me vajzën e vogël, pa e prishur shumë terezinë, dhe madje postoi edhe një varg nga Bibla, që thotë se nuk ka asgjë të fshehtë që nuk do të zbulohet, si një paralajmërim për grabitësit.
g.kosovari
