Një punonjëse e rrjetit britanik BBC është gjetur e vdekur në dhomën e saj të hotelit. Për këtë ngjarje të rëndë një hetim për vrasje është nisur në Kenia.
Bëhety me dije nga mediat e huaja se Kate Mitchell, punonte për degën e bamirësisë të rrjetit televiziv shtetëror BBC, Media Action.
Punonjësja e BBC-së u gjet e vdekur të shtunën, pak pasi në dhomën e saj ishte aktivizuar sistemi i alarmit. Dritarja e dhomës së saj në katin e tetë ishte e thyer dhe trupi i një burri që kishte qenë më herët me të u gjet përtokë jashtë hotelit.
Këto detaje janë bërë publike për mediat nga ana e autoriteteve policore vendase.
“Ne jemi ende duke hetuar për deri tani duket se burri është hedhur nga dritarja e katit të tetë pasi ka vrarë britaniken”, tha drejtuesja e policisë së Nairobi, Augustine Thumbi, për rrjetin AFP.
Mitchell punonte prej 14 vjetësh për organizatën dhe kohët e fundit kishte qenë drejtuese projekti në kryeqytetin e Etiopisë, Addis Ababa.
Ende nuk ka një motivë të saktë për ngjarjen, megjithatë policia është duke vijuar me hetimet deri në zbardhjen e plotë tëngjarjes./m.j
