Kur Shqipëria tashmë renditet mes vendeve të prekura nga koronavirusi, ku zyrtarisht kemi dy raste, Bashkia e Tiranës vijon me marrjen e masave për parandalimin e përhapjes së këtij virusi.
Përmes një postimi në “Facebook” kryebashkiaku Erion Veliaj deklaroi se mbrëmjen e sotme ka nisur dezinfektimi i disa autobusëve të linjës urbane, siç është linja e Kombinat-Kinostudio. Veliaj i bëri thirrje qytetarëve që të mbrojë veten por dhe shokët.
“Nisi dezinfektimi i mbrëmjes për autobusët e Bashkia Tiranë, por lipset që secili të tregojë të njëjtin kujdes për higjienën personale! 😷
Mbro veten, mbro shokun – për një Tiranë të sigurt! #DoIaDalim 🇦🇱 #coronavirus 🦠”, shkruan Veliaj.
