Në foto është i riu shqiptar Edi Berisha 23 vjeç. Ai humbi jetën ditën e djeshme në Nuvolerë në aksident.
Sipas raportimeve mësohet se Berisha po drejtonte një automjet tip Renault dhe së bashku me të ishte dhe vajza e tij 1-vjeçare, e cila për fat të mirë i ka shpëtuar aksidentit. Ajo menjëherë u dërgua në spital ku dhe po merr ndihmë mjekësore.
Nga hetimet paraprake ka rezultuar se i riu shqiptar ka kaluar në korsinë e kundërt teksa po udhëtonte në drejtim të Salos.
Në atë moment po vinte një kamion ku dhe janë përplasur me njëri tjetrin. Si pasojë e aksidentit mbeti i plagosur dhe shoferi i kamionit.
Automjetet e përfshira në aksident janë sekuestruar dhe për rastin ka nisur hetimi.
/s.f
