Kjo foto e rrallë që publikohet sot për herë të parë nga DITA i përket viteve të para pas luftës.
Aty shihet Mehmet Shehu në një Kishë.
Ish-drejtuesi i Brigadës së Parë kishte marrë ndërkohë detyrën e shefit të shtatmadhorisë dhe mbante uniformë ushtarake.
Nga ikonat në mure duket një kishë ortodokse.
Mehmeti ishte djalë shehu, komunist dhe ateist i shpallur.
Studiuesi Gazmend Bakiu thotë për DITA se kjo ndodhte në vitet 1944-45 e më pas, kur sipas traditës së paraluftës, festimet e Ditës së Flamurit fillonin me lutje në faltoret e vendit.
Sigurisht që pushteti i sapo ardhur në fuqi, nuk mund të injoronte menjëherë ndjenjat fetare të popullit.
Ftohja e regjimit me besimet fetare erdhi shumë më vonë, derisa në vitin 1967 u mor vendimi drastik.
