Aida Çajka, nëna 35-vjeçare shtatzënë që humbi jetën mëngjesin e djeshëm bashkë me foshnjën e saj në maternitetin “Koço Gliozheni”, është përcjellë sot mes dhimbjes dhe lotëve, për në banesën e fundit.
Shqiptarja.com ka arritur të sigurojë edhe foton e nënës së dy fëmijëve, e cila ishte në pritje të fëmijës së tretë.
Familjarë, të afërm dhe miq i dhanë lamtumirën e fundit nënës së re. Aida Çajka nuk mundi të mbijetojë pas komplikacioneve shëndetësore në muajin e nëntë të shtatzënisë.
E reja u transportua me urgjencë nga familjarët e saj drejt maternitetit “Koço Gliozheni” mbrëmjen e të mërkurës.
