Familjarët Roula Pispirigou, 33-vjeçares greke që dyshohet të ketë vrarë vajzën e saj 9-vjeçare dhe mund të ketë gisht edhe në vdekjen e dy vajzave të tjera të mitura të saj, akuzuan sot policinë për dhunë.
Në një emision të transmetuar në shtetit fqinjë, nëna dhe motra e Roula-s treguan se ajo është rrahur nga policia, është goditur me grusht në fytyrë dhe ka pësuar të nxira për të rrëfyer krimin.
“Ajo është rrahur nga policia, është goditur me grusht në fytyrë dhe është nxirë.”
Por vetë e akuzuara ka deklaruar ditën e sotme se akuzat e familjarëve të saj nuk qëndrojnë.
Sipas raportimeve, Pispirigou dyshohet se ka telefonuar nënën e saj nga një telefon me parapagesë brenda godinës së Drejtorisë së Përgjithshme të Policisë së Athinës dhe ka reaguar duke i kërkuar shpjegime për atë që ka thënë për rrahjet e pretenduara nga punonjësit e policisë.
Në kuadër të hetimeve ndaj të akuzuarve, Roula Pispirigou pritet të ekzaminohet nga një mjek për të konstatuar nëse ka shenja dhune./m.j
