Kur ishte vetëm 20-vjeçe, studentja Britanike Lucy Dauson u përball me një dramë të vërtetë në jetën e saj.
Ajo kishte dhimbje të shpeshta koke dhe turbullim në shikim.
Mjekët vendosën ta shtronin në një spital psikiatrik dhe aty nisi kalvari tremujor i vajzës, që përgjatë kësaj kohe u dend me qetësues dhe iu nënshtrua trajtimeve ekstreme, si elektroshoku.
Krizat ishin të shumta, madje aksidentalisht u rrëzua dhe dëmtoi nervin shijatik.
Por pikërisht atëherë kur u mendua se kurat nuk po funksiononin, mjekët zbuluan se në fakt, diagnoza kishte qenë e gabuar dhe se vajza vuante nga encefaliti receptor antiNMDA.
Tani Lucy jo vetëm që i është rikthyer normalitetit, por është edhe një modele e suksesshme.
Ajo është e vendosur të bëjë ç’është e mundur që të mësohet më shumë nëpër botë rreth sëmundjes që e bëri të kalonte momente të tmerrshme, e prej të cilës goditen çdo vit në mbarë globin më shumë se 500 mijë persona.
/a.r
