FOTO/ Diamantet dhe ‘mbretëria e skllevërve’
Në Republikën Demokratike të Kongos, e gjithë puna kërkimore e diamanteve bëhet me dorë, në kushte skandaloze. Gjurmimi i diamanteve është një proces intensiv që kërkon largimin e rreth 50 metra baltë dhe gurë, në mënyrë që të nxirren ‘shtretër’ antikë të mbushur me zhavor,brenda të cilëve ndodhen edhe gurët e çmuar. Minatorët duhet të lajnë më pas zhavorin për të nxjerrë diamantet brenda tyre (nëse janë me fat). Sikur të ishin në New York, këta skllevër që torturohen për pak dollarë, mund të fitonin disa qindra dollarë duke shitur vetëm një prej këtyre diamantëve të vegjël. Kjo industri 81,4 biliona dollarëshe, ndodhet në një vend që është pothuajse e pamundur për t’u vizituar nga turistë, ndërsa rruga është gati e papërshkrueshme, sikur po ecën mes një moçali. Për nxjerrjen e diamantëve shfrytëzohen mes të tjerash edhe minorenë, ndërsa një pjesë e vogël e fitimeve shkon për shkollimin e fëmijëve. Sidoqoftë janë të paktë fëmijët që shkojnë në shkollë, pjesa më e madhe detyrohet të punojë në miniera për të siguruar bukën e gojës.
