Është duke u mbajtur sot në Gjykatën Kushtetuese seanca për vendimmarrje mbi shkarkimin e presidentit Meta nga Kuvendi. Siç shihet dhe nga pamjet kjo seancë është duke u ndjekur me interes të lartë dhe nga gazetarët.
Pasi përfaqësuesi ligjor i Presidentit Bledar Dervishaj kërkoi dorëheqjen e trupës gjykuese duke argumentuar se janë të paanshëm dhe u ka mbaruar mandati, Gjykata Kushtetuese është tërhequr për një vendim.
Dervishaj po ashtu është shprehur se Vitore Tusha, Fiona Papajorgji dhe Përparim Kalo duhet të japin dorëheqjen pasi kanë konflikt interesi për këtë çështje.
Që prej orës 10:00 po vijon në Gjykatën Kushtetuese seanca ku po shqyrtohet shkarkimi i Ilir Metës si President i Republikës.
Për herë të parë në historinë e pluralizmit politik në Shqipëri, organi më i lartë i drejtësisë do të zhvillojë një proces shkarkimi ndaj kreut të shtetit.
Presidenti mungon në seancë dhe përfaqësohet nga këshilltari për çështjet ligjore Bledar Dervishaj, i cili po relaton kërkesën e kreut të shtetit.
/a.r
