Një pako e dyshimtë vuri në alarm Ambasadën Britanike në Tiranë. Mesditën e së premtes mbërriti në ambientet e Ambasadës një pako, që në fakt nuk ishte porositur nga asnjë përfaqësues i personelit dhe që mbishkrimin mbi të nuk kishte as ndonjë adresë fikse.
Si adresë e nisjes së pakos ishte India dhe ndaj u mendua se në pako mund të kishte lëndë plasëse, ose helmuese, duke shtuar edhe më shumë ankthin në ambientet e brendshme të Ambasadës.
Siç rezulton nga raportimi i ngjarjes, që tashmë ndodhet edhe në proçesverbalet e Policisë, në orën 13.30 një qese me çaj me mbishkrimin “Green sense organic” është sjellë përmes postës në Ambasadën Angleze, por se çfarë kishte brenda saj u mësua vetëm pasi ndërhyri reparti policor i specializuar për situata të tilla.
Menjeherë pas këtij veprimi lënda është përcjellë në Laboratorin e Kriminalistikës. Në fakt nga kqyrja paraprake konfirmohet se në brendësi të pakos nuk kishte asgjë tjetër veç çajit organik. Policia thotë se çaji ishte porositur në Indi dhe duhej dorëzuar në Maqedoninë e Veriut.
Çaji i mbasdites është një rit i njohur dhe qetësues për britanikët. Por ja që edhe një pako çaji ka rezultuar shqetësues për punonjësit e sigurisë së Ambasadës, por edhe për Policine e Shtetit.
g.kosovari
