Një 18-vjeçare ka ndërruar jetë pasi telefoni i saj celular shpërtheu teksa e reja po fliste me një të afërm, duke i shkaktuar djegie serioze në kraharor, dorë dhe këmbë.
Incidenti shokues ndodhi në fshatin Kheriakani në distriktin e Odisha Jharsuguda në Indi ditën e premte. Sipas burimeve që folën për “New Indian Express”, Uma Oram e kishte vënë në karikim celularin dhe po fliste në momentin e shpërthimit.
Të njëjtat burime thanë se celulari pothuajse po fikej dhe Oram e kishte vënë në karikim për të vazhduar bisedën me të afërmin. Papritur celulari shpërtheu duke shkaktuar një zhurmë të madhe dhe plagë të rënda tek e reja.
Ajo u dërgua menjëherë në spitalin lokal, në gjendje të pandërgjegjshme, ku humbi jetën.
Vëllai i saj Durga Prasad Oram tha se pas shpërthimit të celularit model “Nokia 3110”, “Uma humbi ndjenjat para se në mësonim se çfarë ndodhi ekzaktësisht.”
Pjesëtarët e familjes së 18-vjeçares dhe rezidentët lokalë kërkojnë kompensim nga gjiganti i teknologjisë, ndërsa trupi i Umas është dërguar për ekzaminim
a.ç
