Një kontroll rutinë i policisë së burgjeve në Vaqarr ka vënë në alarm sigurinë në burgun e Vaqarrit. Bëhet fjalë për një vizatim pikturë me përmbajtje simbole dhe mesazhe të shtetit Islamik ISIS, të cilat janë gjetur në dhomën e një të dënuari. Report Tv ka mundur të sigurojë ekskluzivisht pikturën e sekuestruar për të cilën tashmë është nën akuzë për mbajtje të sendeve të ndaluara në burg i dënuari 20-vjeçar I.Gjuni.
Piktura ka të shkruajtur ISIS, armë dhe luftëtarë të xhihadit të mbuluar dhe disa pengje të varur. Ende nuk dihet se cila është lidhja e Gjunit me këtë organizatë, ndërsa para hetuesve ai ka deklaruar se e ka pikturuar vetë në burg dhe s’ia ka sjellë askush. I.Gjuni rezulton i ndaluar nga Policia e Tiranës në 2015 për akuzën e vjedhjes dhe dënuar nga gjykata në dhjetor të 2015 me dy vite burg.
ma.me
