FOTO/ Aksioni i RENEA-s, arrestohet Florenc Çapja dhe dy gazetarë në Tiranë

RENEA dhe FNSH-ja kanë zhvilluar një operacion blic gjatë natës që ka zgjatur deri në mëngjes në qytetin e Elbasanit duke shoqëruar mbi 50 persona, ndërsa janë arrestuar edhe dy gazetarë, që punonin në administratë në Tiranë.

Report Tv mëson se mes 50 të shoqëruarve në polici janë Ardjan Çapja, që është pronari i hotel ‘Universit’ dhe disa anëtarë të tjerë të këtij fisi pas kontrollit të banesave të tyre. Për të paktën 7 prej tyre do të kërkohet arrestimi. Mësohet se disa të dhëna dhe informacione për pjesëtarët e grupit Çapja kanë ardhur edhe nga agjencitë e huaja ligjzbatuese.

RENEA dhe FNSH-ja në 6 grupe kanë kontrolluar mbi 20 banesa dhe biznese në disa lagje të Elbasanit, mes tyre të Çapajve. Ndërhyrja blic në Elbasan është bërë në kuadër të operacionit ‘Forca e Ligjit’ ndërsa ka shumë pak detaje mbi shoqërimet.

Operacioni ka nisur në orën 03:00 të mëngjesit dhe ka zgjatur deri në 09:00, ndërsa policia e Elbasanit është mbajtur larg për shkak të frikës nga dekonspirimi. Blutë e Elbasanit janë njoftuar vetëm pasi RENEA e mbështetur nga FNSH-ja kishte nisur shoqërimet.

POr nga aksioni i policisë janë arrestuar edhe dy gazetarë ku një prej tyre është Suela Musta, aktualisht anëtare e AMA-s (Autoriteti i Medieve Audiovizive).

Ndërsa gazetari i dytë është ish-anëtar i AMA-s.

Sipas report tv, dy gazetarët mësohen se kanë ndikuar në dhënien e licencës kabllore fisit Çapja në Elbasan.Suela Musta

Ardian Çapja është një emër i njohur në qytetin e Elbasanit, por edhe për drejtësinë, pasi ka qenë shoqëruar disa herë, ndërsa në vitin 2017 u ka shpëtuar dy atentateve me armë dhe eksploziv. Ai është pronari i hotel Univesit në hyrje të qytetit të Elbasanit. Ardian Capja është vëllai i Sokol Capja, që u ekzekutua në vitin 2005. Si pasojë e përplasjes dhe hasmërisë mes fisit Çapja dhe Mema në dekadën e fundit në Elbasan janë shënuar shumë viktima nga të dy palët, ndërsa shumë ngjarje janë ende pa autorë.

Ardjan Çapja

g.kosovari