Myftiu i Korçës, Haxhi Qazim Muçi, është përfshirë mëngjesin e sotëm në një aksident automobilistik, fatmirësisht pa të lënduar.
Kleriku i lart i besimit mysliman të këtij qarku ka qenë duke udhëtuar me makinën e institucionit drejt qytetit të Bilishtit, kur në dalje të Korçës është goditur nga një mjet tip “Golf”, duke e shmangur nga rruga për t’u ndalur në trotuar.
Si pasojë, ka vetëm dëme materiale në të dy mjetet e përfshira në aksident. Sipas policisë mjeti “Golf” ka qenë duke udhëtuar me shpejtësi në momentin e aksidentit.
Duhet thënë se rrethrrotullimi në hyrje të qytetit të Korçës ka qenë herë pas here burim aksidentesh të shumta.
