Në vijim të interesit në rritje të qytetarëve shqiptarë për t’u pajisur me viza për në Shtetet e Bashkuara të Amerikës, ambasada amerikane në vendin tonë ka dhënë informacione të reja.
Ditën e sotme, në një njoftim të kësaj ambasade thuhet se nuk duhen paguar para tek dikush që premton vizë por ajo që bie në sy është se në karikaturë tregohet Panairi i Punës.
A është thjesht ilustrim apo në panair ka abuzues?
“Kurrë mos i paguani para dikujt që ju premton një vizë për në Shtetet e Bashkuara. #PyetAnnën!”, shkruhet në publikim.
Më tej në një skicë, tregohet se “Askush nuk mund t’iu sigurojë një vizë amerikane. Mos bini pre e mashtruesve”.
Po ashtu inskenohet një sportel ku sugjerohen lidhje të garantuara me ambasadën dhe tarifa të ulëta për vizë amerikane, por thuhet se gjithçka është mashtrim./a.m.
