Kur kemi probleme, telefonojmë policinë. Po kur vetë policët janë ata që kanë nevojë për ndihmë, kë thërrasin? Në SHBA, departamentin e skuadrës zjarrfikëse dhe të shpëtimit.
12 oficerë policie kanë mbetur të bllokuar në një ashensor në Kansas. Ata kanë thirrur Departamentin e Zjarrfikëseve, të cilët kanë mbërritur menjëherë, por nuk e kanë humbur rastin për të bërë pak shaka. Ata kanë shkrepur një foto, e cila po bën “namin” në rrjetet sociale. Ajo është rishpërndarë me mijëra herë dhe komentet plot humor nuk kanë munguar.
“E kishim ëndërruar një moment si ky”, shkruan zjarrfikësi që ka postuar foton, publikon “Shekulli”.
Ndërsa agjentët e bllokuar kanë marrë një mësim: të mos e tejkalojnë limitin e peshës në ashensor.
m.a
