Një grua e cila ishte braktisur në një kosh plehrash menjëherë pasi kishte lindur, ka arritur të bashkohet me nënën e saj pas 46 vjetësh. Michelle Rooney u adoptua nga një familje pasi u gjet në një çantë brenda një koshi plehrash pranë një blloku pallatesh në Walthamstoë, në lindje të Londrës.
Ajo ishte braktisur nga nëna e saj, Angie Smith, në atë kohë 23 vjeçe, e divorcuar, e cila e kishte fshehur shtatzëninë dhe e kishte sjellë në jetë foshnjën në kopshtin e babait të saj.
E tmerruar se do të turpëronte sërish familjen e vet pas një divorci të vështirë nga bashkëshorti i saj, nëna e re e kishte braktisur në rrugë foshnjën e saj, me shpresën se do të gjendej nga një familje e mire.
Nënë e bijë arritën të takoheshin pas 46 vjetësh pasi Michelle, tashmë nënë e dy fëmijëve kërkoi ndihmë në rrjetet sociale për të gjetur prindërit e saj biologjikë.
Pavarësisht të gjithave, 46-vjeçarja shprehet se nuk i mban mëri nënës së saj dhe bashkimi me të ishte tërësisht natyral, njësoj si të kishin qenë gjithë jetën bashkë.
