“Nëse konstatohen manipulime ne nuk njohim rezultatin e zgjedhjeve”. Ky ishte paralajmërimi i kryetarit të Partisë Demokratike, Lulzim Basha, gjatë prezantimit të kandidatit të opozitës për kryetar bashkie në Vaun e Dejës, Zef Hila.
Në një aktivitet të zhvilluar pasditen e së hënës në Vaun e Dejës, Basha tha se dyshja RamaMeta nuk ka ofertë për qytetarët në zgjedhjet e 21 qershorit dhe se ata janë dështimi që duhen lënë pas me votë.
“Oferta e tyre është kërcënimi, sulmet dhe shpifjes ndaj kandidatëve tanë. I paralajmëroj sërish, nuk do të gëzoni asnjë votë të manipuluar, nuk njohim asnjë rezultat që nuk del nga zgjedhjet e lira të qytetarëve shqiptar. Tolerancë zero dhe drejtësi deri në fund për autorët e tyre. Zonja dhe zotërinj, të ngrihemi me votë, të fitojmë me votë, ky është himni që po bashkon shqiptarët dhe Vaun e Dejës, për të votuar Partinë Demokratike, Zef Hilën”, deklaroi Basha.
