Lulzim Kulla, 42-vjeç, të cilit iu bë atentat me moto-bombë paraditen e kësaj të shtune në lagjen “Rus” të Shkodrës teksa dilte nga një objekt në pronësi të tij, ndodhet në gjendje kritike për jetën në Spitalin e Traumës në Tiranë. I ashtu quajturi “i forti” i Shkodrës, i është nënshtruar një ndërhyrje kirurgjikale në Spitalin e Traumës në Tiranë.
Kulla u transportua me urgjencë në drejtim të Tiranës menjëherë pas ngjarjes, për ndërhyrje më të specializuar për shkak të dëmtimeve serioze të marra në trup. Krahas Lul Kullës, në spitalin e Traumës ndodhen edhe dy të plagosur të tjerë Ditmir Myftia, 32 vjeç dhe Gentian Suça – 40 vjeç.
