Komisioni i pavarur i kualfikimit i është drejtuar sot opinionit publik që të japë mbështetje me denoncime duke paraqitur fakte dhe prova ndaj atyre gjyqtarëve dhe prokurorëve që kanë abuzuar me detyrën ose kanë bërë korrupsion. Për këtë qëllim Komisioni ka publikuar edhe një formular nëpërmjet të cilit synohet përfshirja edhe e qytetarëve në këtë proces shumë të rëndësishëm për vendin.
Formulari është i organizuar në bazë të tri kritereve, që përdoren për rivlerësim: vlerësimi i pasurisë, kontrolli i figurës dhe vlerësimi i aftësisë profesionale. Ndërkohë, pak ditë më parë procesi i Vettingut filloi te Krimet e Rënda e Gjykata Kushtetuese, ku në filtër ishin dhjetë dosjet e dy gjyqtarëve, si dhe te Gjykata e Tiranës, ku do kalonin për verifikim gjashtë gjyqtarë.
ma.me/javanews.al
