Formacioni i De Biasit përballë Serbisë
Kombëtarja do të zhvillojë sot në orën 18:30 stërvitjen e radhes para takimit me Serbinë. Kuqezinjtë nuk do të udhëtojnë drejt Elbsanit për përgatitjet e fundit, por do të qëndrojnë në Durrës. De Biasi nuk do të ndryshojë shumë nga formacioni i ndeshjeve të fundit, por për grupin me të cilën do të luajë përballë Serbisë tekniku italian pritet të japë më shumë detaje në konferencën e parashikuar gjatë orëve të pasdites. Italiani është shprehur se e kanë në kokë formacionin, por gjithsesi dilemat nuk mungojnë për mesfushën ku është thirrur edhe Alban Meha.
Rikthimi i Elseid Hysajt me shumë gjasë do të ulë në stol Berat Gjimshiti që megjithëse nuk luajti në pozicionin e tij natyral bëri një debutim të mirë në ndeshjet me Danimarkën dhe Portugalinë. Qendrën e mbrojtjes De Biazi do t’ia besojë dyshes Cana-Ajeti. Kapiteni i kombëtares është stërvitur rregullisht dhe pas dëmtimit në kampionat.
Loja e kuqezinjve pritet të jetë ajo e zakonshmja me qarkullimin e topit, në mesfushë por janë përgatitur edhe për një luftë të fortë sportive me kundërshtarin. Gjatë senacave stërvitore lojtarët janë shfaqur të qetë dhe të përqendruar në përvetësimin e skemave të udhëzuara nga De Biasi dhe ndihmësit e tij. Ndaj Serbisë nuk mund të zhvillohet një lojë me krosime të larta në zonë, për shkak të shtatalartësisë së mbrojtësave serbë.
