Ford Motor do të kërkojë shmangien e tërheqjes së 2,5 milionë veturave në SHBA për problemet me airbag, të prodhuar nga kompania japoneze Takata, raporton Reuters.
Administrata Nacionale për Siguri në Trafik (NHTSA) ka thënë se Nissan Motor janë pajtuar që të tërheqin mbi 500 mijë vetura të modelit Versa të prodhuara ndërmjet viteve 2007-2011 për shkak se kompania e airbagëve ka deklaruar se 2.7 milionë vetura kanë defekt, transmeton koha.net.
Ndërsa nga kompania Ford kanë thënë se ata do të kërkojnë shmangien e tërheqjes së veturave dhe “Vazhdimin e testimit dhe analizimit të problemit”, për shkak se kjo kompani sipas NGTSA, beson se ky problem është i parëndësishëm.
Ford ka thënë se ky problem mbulon 2.5 milionë vetura të saj, përfshirë Ranger 2007-2011, Fusion e Lincoln MKZ të viteve 2006-2012, Mercry Milan 2006-2011, si dhe Ford Edge e Lincoln MKX të viteve 2007-2010.
Airbagët e prodhuar nga kompania japoneze, Takata, tashmë ndërlidhen me 17 vdekje e mbi 180 lëndime të njerëzve në të gjithë botën. (b.an)
