Ushtria siriane ka gjetur një varr masiv, që përmban rreth 40 trupa, në qytetin Palmyra, qytet ky që i është rimarrë Shtetit Islamik (ISIS).
Varri, në të cilin gjenden trupa të burrave, grave dhe fëmijëve, është zbuluar në pjesën verilindore të qytetit.
Disa nga njerëzit thuhet të kenë pasur kokat e prera, ndërsa disa janë vrarë me armë, ka thënë për AFP një burim ushtarak.
Burimi ma thënë më tutje së të vrarët ishin oficerë, ushtarë, anëtarë të grupit pro regjimit dhe të afërmit e tyre.
Por, 24 nga viktimat janë civilë, përfshirë tre fëmijë.
Trupat tash janë dërguar në një spital ushtarak në kryeqytetin e provincës Homs.
Disa nga viktimat thuhet të jenë identifikuar.
