Forcat e Mbrojtjes së Izraelit, IDF, përmes një deklarate në momentet e fundit kanë reaguar në përgjigje të raporteve se trupat po i afroheshin kryeqytetit sirian, Damaskut.
“Ka pasur lajme të rreme që kanë qarkulluar përreth. Forcat e IDF nuk po përparojnë drejt Damaskut. Ky është i pabazuar dhe nuk ka fakte,” tha një zëdhënës i IDF.
“Ne nuk jemi të përfshirë. Ne nuk jemi palë në këtë konflikt dhe nuk kemi asnjë interes tjetër përveç mbrojtjes së civilëve tanë”, thuhej gjithashtu në deklaratë.
IDF tha se kishte linja të drejtpërdrejta komunikimi me Forcën Vëzhguese të Kombeve të Bashkuara për të “kuptuar atë që ata po bëjnë dhe kështu ata të kuptojnë se çfarë po bëjmë ne”.
I pyetur nëse trupat izraelite po veprojnë jashtë zonës tampon, zëdhënësi tha: “IDF-ja ka operuar në afërsi të zonës tampon, por [është] 0% e vërtetë që ata kanë lëvizur drejt Damaskut.”
Ai shtoi: “Ne nuk kemi asnjë anë në luftën në Siri. Ne nuk po kërkojmë një luftë me njerëzit që jetojnë atje.”
