Operacioni “Forca e Ligjit” pritet të japë rezultatet e para në muajin shkurt të këtij viti. Report Tv mësoi se policia ka identifikuar grupet kriminale dhe po punohet për të goditur aktivitetin e tyre. Janë 38 grupe kriminale me asete pasurore, toka dhe biznese, që pritet të goditen në kuadër të operacionit të bujshëm policor ‘Forca e Ligjit’.Report Tv bën me dije se një pjesë e grupeve kriminale me asete të mëdha janë përpjekur të legalizojnë pasurinë e tyre, ndërsa një pjesë tjetër po mundohen ta kalojnë atë në emër të personave të tretë. Megjithatë, policia bën me dije se të gjitha grupet janë në mbikëqyrje, ndaj dhe nuk mund të fshehin pasurinë, pavarësisht tentativave pas nisjes së operacionit të bujshëm.
Duhet përmendur se një pjesë e këtyre bandave nuk ndodhen në Shqipëri, janë rreth 30-40% e tyre të vendosur jashtë vendit, por që aktivitetin e tyre e kryejnë këtu dhe kanë pasuri shumë të larta në Shqipëri.
Ndërkohë, lëvizjet e fundit që kanë përfshirë Policinë e Shtetit, me largimin e drejtorit Haki Çako një ditë më parë dhe ndryshimet e tjera që pritet të pasojnë ditët në vijim, mund të shtyjnë edhe më tej efektet e operacionit ‘Forca e Ligjit’. Forma si do të arrestohen këto grupe nuk është bërë e ditur, por po punohet për të mbledhur informacion për të secilin prej tyre.
http://shqiptarja.com/home/1/forca-e-ligjit-godet-n–shkurtsi-po-i-fshehin-pasurit–bandat-462587.html?pos_3
ma.me
