Kryetari i PD-së Sali Berisha sot në 27 prill mbajti Foltoren e radhës përpara Kryeministrisë.
U ndal në disa nga çështjet kryesore politike aktuale. Sipas tij, edhe vetë Rama e ndjen se po i vjen fundi.
“Edi Rama e ndjen se po i vjen fundi, sepse e ndjen se nuk ka qytetar që mund ta pranojë moralin e hajdutit në krye të Kryeministrisë. Nuk ka shqiptar që nuk konstaton se e ardhmja për fëmijët e tij në Shqipëri bëhet e pamundur. Ne ftojmë çdo qytetar që të vijë në këtë betejë përfundimtare. Shqipëria është bërë vend i pajetueshëm, fshatrat janë duke u boshatisur, të gjithë ikin nga ky vend. PS është themeluar mbi krimin, ka vazhduar nga krimi dhe sot vijon të jetë me krimin. Socialist i ndershëm që mbron këtë qeveri nuk ka, shqiptar që mbron këtë qeveri të korruptuar nuk ka”, tha Berisha.
Shtoi se kryeministri Rama është një antishqiptar i përbetuar, duke e quajtur si serb e kaluar serbit.
“Edi Rama është një antishqiptar i tërbuar. Rama ka qenë dhe mbetet kundër Kosovës, që tha se veriu është tokë e askujt. Nuk harrojnë shqiptarët kurrë, se Kosova u zhduk nga harta në Ballkanin e Hapur. Nuk harrojnë shqiprtarët kurrë, sanksionet që vendosi ky ndaj Kosovës, duke qenë një antishqiptar i tërbuar. Nuk harrojnë kurrë shqiptarët, se ky është serb e kaluar serbit dhe është quajtur kryeministri më i mirë pas Pasiçit. Nuk harrojnë shqiptarët, se ky që thoshte se Europa është paqja vetë. Asnjë komb i qytetëruar nuk mban në krye një tradhtar si ky”, deklaroi Berisha.
Në fund, u shpreh se opozita është e fortë dhe do e rrëzojë antikombëtarin, që është në krye të qeverisë.
“Edi Rama nuk ka shpresë. Mendoi se mbylli aferat e korrupsionit. Asgjë nuk ke mbyllur. Gropa të hapura do të mbeten aferat e tua korruptive. Opozita do të japë goditjen që meriton më 8 maj. Opozita sot është më e fortë se kurrë. Fitore, fitore, fitore”, përmbylli Berisha.
