Kryekonomisti i Fondit Monetar Ndërkombëtar (FMN) e cilësoi si një masë “ektreme” rënien e tregjeve prej fillimit të vitit, në këndvështrimin e perspektivës së ekonomisë globale.
“Tregjet financiare janë të njohura për një reagim që shkon përtej së zakonshmes. Ato reagojnë në mënyrë mjaft energjike në disa pika të veçanta në periudhë vështirësie ose rreziku. Reagimi i tyre është mjaft ekstrem”, sqaroi Maurice Obstfeld gjatë një konference shtypi në Londër.
Bursat globale janë çekuilibruar prej fillimit të vitit, duke shfaqur shqetësim për ngadalësimin e rritjes ekonomike kineze, rënien e burimeve të lëndëve të para, natyrisht naftës, dhe krizës së kredive që po regjistrohet së fundmi në Shtetet e Bashkuara të Amerikës.
