Në vetëm tre orë në Stacionin e Policisë Kufitare Morinë, në Kukës, nga ora 05.00 deri në orën 08.00 kanë hyrë nga Kosova drejt Shqipërisë rreth 25mijë persona.
Gjatë kulmit të sezonit turistik është e zakonshme që qindra automjete nga Kosova të nisen drejt brigjeve shqiptare për pushime, duke rritur kështu ndjeshëm edhe këtë fillim gushti lëvizjen në pikën kufitare të Morinës.
Radhët e mjeteve dhe dendësia e qarkullimit janë të dukshme përgjatë Rrugës së Kombit, kryesisht në aksin mes doganës së Morinit dhe Pikës së Pagesës. Autoritetet konfirmojnë rreth 25 mijë persona dhe 6250 mjete që kanë kaluar vetëm në tre orët e këtij mëngjesi.
