Personi që theu embargon e Perëndimit dhe furnizoi me naftë Serbinë ka reaguar për tensionet në veri të Kosovës.
Sali Berisha shprehet se presidenti serb kërkon destabilizimin e Kosovës. Ai kërkon të ndëshkohet Moska, teksa PD eshte financuar me 500 mije dollare nga ruset.
Ai i bën thirrje komunitetit ndërkombëtar, ndërkohë që e kanë shpallur non-grata dhe në 10 vitet e fundit ka shkuar vec në Azerbajxhan.
Reagimi:
Serbomadhi Vuçiç vazhdon haptas përpjekjet për destabilizimin e Kosovës.
Të dashur miq, banda të armatosura kriminale serbe të orkestruara direkt nga Beogradi sulmuan gjatë natës me bresheri njësitë në detyrë të policisë së Kosovës dhe hodhen granata kundër njësive të Euleksit, gazetarëve dhe ekipit të Televizoinit Dukagjini të Prishtinës në Rudar të Zveçanit. Këto banda kanë bllokuar rrugë kryesore në veriun e vendit.
Dënoj me forcën më të madhe këto sulme terroriste dhe destabilizuese të bandave kriminale serbe të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve. Mbështes plotësisht autoritet e Kosovës në qëndrimez e tyre për garantimin e integritetit teritorial, sovranitetit, rendit, sigurisë së vendit të tyre. I bëj thirrje komunitetit ndërkombëtar të ndëshkoj qëndrimet luftënxitëse të kordinuara me Kremlinin të presidentit të serbomadhisë Vuçiç dhe bandave të tij kriminale në veriun e Kosovës.
/a.r
