Avokatja e Pëllum Marnikollajt, që vdiq në Greqi brenda rajonit të policisë, ka deklaruar se ai kishte mundësi të shpëtonte nëse do t’i ishte dhënë ndihma e parë.
“Policia më tha se dyshohej për një tjetër vepër penale dhe do të arrestohej. Marnikollaj u hodh nga kati i tretë për shkak të arrestimit. Atij nuk ia dha ndihma e parë. Nëse do t’i ishte dhënë, kishte mundësi të mbijetonte. Pas kësaj, humbën kontaktet me njerëzit e tij. Në Polici më thanë se ai humbi jetën. Në morg, kurrë nuk kam parë një pamje më trishtuese,” u shpreh avokatja.
Pas interesimit nga News 24, Konstantopoulou u shpreh se ‘është e pakuptueshme se si ai është lënë për 5 orë në mëshirën e fatit’. Avokatja Konstantopoulou në një bisedë telefonike i ka rrëfyer gazetarit Kujtim Vani se ishte tronditur shumë kur kishte parë viktimën në murgun e Spitalit.
“Nuk më ka ndodhur ndonjë here në jetë të shohë një viktim të tillë, kaq trishtuese”, tha avokatja duke fajësuar veç policisë edhe shërbimin e spitalit.
Ngjarja e rëndë e ndodhur më 3 Gusht në Rajonin e Policisë Agjio Lavro në Ana Patisia, të Athinës, ku humbi jetën i riu shqiptar nga Lezha, Pllumb Marnikollaj.
Avokatja ka folur edhe për versionin e policisë.
Ajo tha se, “në polici më informuan se viktima kishte detyrim paraqitje, por dyshohej për një veprër tjerër penale dhe po përgatitej arrestimi i tij.
Ky ka qenë edhe shkaku, sipas policisë që e ka frikësuar, duke e detyruar viktimën të hidhej nga kati i tretë i komisariatit.
Viktima ka qëndruar për rreth dy orë në rajonin e Policisë në Ana Patisia para se të hidhej nga dritarja, (sipas policisë) dhe menjëher pas ngjarjes është dërguar në Spital nga policia, ku ka qëndruar për rreth 5 orë, pa asnjë njeri afër dhe pa asnjë të afërm të tij, tha ndër të tjera avokatja, duke shprehur habinë se si ka mundësi që nuk i është dhënë ndihma e shpejtë nga personeli mjekësorë, se padyshim që do ti kishte shpëtuar vdekjes.
Ndër të tjera Avokatja tha se autoritetet e policisë më bënë me dije se kanë njoftuar ditën e dytë të ngjarjes Ambasadën Shqiptare, ndërkohë që me të afërmit e tij nuk mundën që të lidheshin pasi nuk kishin kontakte.
Ambasada shqiptare note verbale
Gazetari Kujtim Vani u lidh me përfaqësuesit e Ambasadës Shqiptare në Athinë, të cilët e mohojnë një gjë të tillë dhe siç edhe u verifikua prej tij, ambasada është vënë me të gjitha energjitë dhe mënyrat në lëvizje për zbardhjen e të vërtetës për këtë ngjarje të rëndë misterioze, shkruan “News24”.
Avokatja Maria Konstantopoulou tha se, pas vdekjes së të riut në rrethana të pazakonshme hetimet e ngjarjes i kanë kaluar policise së Kypselit, e cila po merret me zbardhjen e çeshtjes.