Erion Braçe u kthehet akuzave për paracaktim të garës nëpërmjet vendimeve të gjyqtareve.
Me një postim në rrjetet sociale, zëvendëskryeministi i cili njihet si tifoz i Partizanit, ka argumentuar gabimet e ditëve të fundit në Superiore, duke sinjalizuar se tashmë gjithçka bëhej në favor të dy skuadrave që janë në vend të parë në renditje.
POSTIMI I PLOTE
I NJËJTI FILM, E NJËJTA HISTORI! #SISTEMI D!
Në 5 ndeshje, 2 i vendosin arbitrat; Në 5 ndeshje, 3 janë me gabime të rënda arbitrash; Në 5 ndeshje, të 5-ta kanë standarde të ndryshme gjykimi, sipas ndeshjes-pra ekipeve dhe gjyqtarit të qëllimtë!
Por ka edhe më keq; Në 2 ndeshjet e vendosura nga arbitrat, ata vendosen për kryesuesit e Superliges, në favor të tyre!
Shikoni, dje u bë shumë mirë që u diskutua për penalltinë e dytë akorduar Partizanit; Nga pamjet, për mua nuk ishte penallti edhe pse sot, pasi lexova gazetën Panorama, pashë prapë pamjet dhe, siç gazeta edhe unë dyshova se topi i goditur nga Çinari prek dorën e një lojtari para se t’i bjerë qurreve të një lojtari tjetër që me të drejtë protestonte; Por atë ndeshje, NUK E VENDOSI GJYQTARI!
Ndërkohë sot është nam; Përsëri e gjithnjë Enea Jorgji: Goli i parë i Tiranës haptazi me dorë; Goli i dytë i Tiranës nis në minutën 95:35 (ishin shtuar 4 min), Ngo-golashënuesi që në goditje të faullit është offside, mbetet offside edhe pasi shërbehet nga e djathta, i bie shtyllës përsëri dhe Muça bllokon me faull portierin, Ngo merr topin haptazi dhe e shtyn me dorë, minuta është 95:45.
Vendosi arbitri jo si gjithnjë Enea Jorgji; Në ndeshjen Partizani-Tirana dha 4 minuta shtesë dhe, edhe pse u luajtën 2 dhe 2 u vonuan, fiks tek e 4-ndeshja mbaroi; Në ndeshjen Kukësi-Skënderbeu shtoi 1 minutë dhe, edhe pse Kukësi shënoi gol pak sekonda pas 1 minuti shtesë, Enea Jorgji mbylli ndeshjen fiks dhe goli as që u quajt!
Ndërkohe në Gjirokastër është edhe më nam, nam fare; Shiheni golin e Luftëtarit, i qartë e në dritë të diellit; As offside e as faull! Po çfare? Hiç, arbitri!
Edhe më keq, në dy ndeshje, dy standarde: Nëse ai në Gjirokastër është faull pa prekur kërkënd, ky në Tiranë është stërfaull!
Po lë mënjane faullat dhe kartonët, gjëra të vogla në dukje por që vendosin kur të lënë me 10 lojtarë dhe ekipin e favorizuar gjithnjë me 11. Tani që shkruaj çdo gjë ka mbaruar!
Ka muaj që dëgjoj se futbolli në këtë vend është në krize prej parave! Të gjithë, përfshirë titullarin e SISTEMIT, ulërasin kundër taksave a thua se paguan kush taksa prej tyre!
Po ua them prape; S’KA PARA KUR S’KA GARË, KUR FITUESI PARACAKTOHET!
