Klubi anglez, Stoke City, pak minuta më parë ka konfirmuar transferimin e anësorit shqiptar, Xherdan Shaqiri nga Interi për shumë rekorde të klubit 12 milionë funte. Reprezentuesi i Zvicrës ka nënshkruar kontratë pesëvjeçare me “Potters” dhe do t’i bashkohet bashkëlojtarëve të rinj këtë javë para takimit të së shtunës me Tottenhamin, në të cilin edhe pritet debutimi i tij. “Nuk është sekret që kemi qenë duke kërkuar Xherdanin për një kohë dhe jemi shumë të lumtur që më në fund kemi siguruar nënshkrimin e tij.
Ai është lojtar i ri, shumë i talentuar që synon të ecë përpara në Premier Ligë pas karrierës në nivelet më të larta në Gjermani me Bayernin dhe në Itali me Interin”, ka deklaruar drejtori ekzekutiv i klubit Tony Scholes për faqen zyrtare të Stoket. “Xherdani do të jetë shtesë fantastike për skuadrën tonë dhe i shton trajnerit opsione për sulm”. Fjalë të mira për Shaqiri ka thënë edhe trajneri i tij i ri Mark Hughes.
