Gazeta prestigjoze Financial Times i përshkruan zgjedhjet parlamentare në Shqipëri si provë e angazhimit për rimarrjen e vrullit drejt fillimit të bisedimeve për pranimin në BE.
Duke i bërë jehonë fitores së socilistëve të kryesuar nga Edi Rama, “FT” shkruan se ky i fundit bëri fushatë në një platformë për përshpejtimin e reformave, me qëllim fillimin e bisedimeve në dhjetor.
Lulzim Basha, sipas FT, tashmë gjendet nën presionin e demokratëve që i kërkojnë dorëheqjen pas humbjes së zgjedhjeve.
Partia Socialiste e Shqipërisë ka fituar një shumicë të drejtpërdrejtë në zgjedhjet parlamentare, të cilat konsiderohen si një provë e angazhimit të vendit ballkanik për uljen e korrupsionit dhe rimarrjen e vrullit për të filluar bisedimet e pranimit në BE, ndoshta deri në fund të vitit.
Me më shumë se 80 përqind të votave të numëruara, socialistët e kryeministrit Edi Rama kishin kapur 48 përqind të votave krahasuar me 30 përqind për Partinë Demokratike të qendrës së djathtë të kryesuar nga Lulzim Basha, ish ministri i jashtëm i arsimuar nga holandezët .
Rezultati i zgjedhjeve të së dielës do të thotë se socialistët kontrollojnë 73 vende në parlamentin 140-anëtarësh kundër 43 për demokratët dhe 15 për LSI nën presidentin e zgjedhur Ilir Meta.
Një parti e vogël që përfaqëson çamët, një pakicë etnike që paraqet kërkesa për tokën dhe pronën në Greqinë perëndimore, fitoi tre vende.
Një shumicë e drejtpërdrejtë do të heqë kufizimet ndaj Z. Rama, një artist i kthyer në politikan, i cili më parë drejtoi koalicionin me LSI. Por ajo mund të vonojë rishikimet e projektuara për reformat gjyqësore, të miratuara me BE që do të kërkonin 94 vota për të kaluar në parlament.
Shqipëria iu bashkua NATO-n në 2009 dhe u bë kandidati zyrtar për anëtarësimin në BE në 2014. Por politika polare e vendit dhe mungesa e përparimit në trajtimin e korrupsionit të nivelit të lartë dhe krimit të organizuar, duke përfshirë trafikimin e drogës, ka ngadalësuar perspektivat për hapjen e negociatave të pranimit.
Z. Rama bëri fushatë në një platformë për përshpejtimin e reformave me qëllim fillimin e bisedimeve në dhjetor.
Z. Basha u përball me presione për tu larguar pas humbjes së zgjedhjeve të demokratëve, pasi Besnik Mustafa, një ish ministër i jashtëm dhe anëtar themelues i partisë, bëri thirrje për dorëheqjen e tij.
Rivalitetet e ashpra midis kandidatëve socialistë dhe demokratë që shkaktuan manipulimin e kutive të votimit në zgjedhjet meparshme parlamentare duket janë zbutur këtë herë. Organizata për Siguri dhe Bashkëpunim në Evropë, e cila dërgoi 400 vëzhgues ndërkombëtarë për të monitoruar, tha se kandidatët “ishin në gjendje të bënin fushatë lirisht dhe liritë themelore u respektuan”.
Por shtoi se “politizimi i vazhdueshëm i organeve dhe institucioneve të lidhura me zgjedhjet, si dhe akuzat e përhapura për blerjen e votave dhe presionin ndaj votuesve, kanë ndikuar në besimin ndaj procesit zgjedhor”.
Vetëm 45 për qind e votuesve të regjistruar morën pjesë në zgjedhje, pjesëmarrja më e ulët që nga zgjedhjet e para demokratike të Shqipërisë në vitin 1992. Një valë e nxehtë në fundjavë dhe festimet që shënuan fundin e Ramazanit përbënin normën e mungesës, sipas vëzhguesve ndërkombëtarë.
a.ç
