Kosova do të jetë në axhendë të Asamblesë së Përgjithshme të INTERPOL-it për anëtarësim në këtë organizatë, ndërsa ministri i Punëve të Jashtme të Kosovës është shprehur optimist se Kosova nga sot do të jetë anëtare e INTERPOL-it. Kosova pret të marrë mbështetjen e dy të tretave të vendeve që po marrin pjesë në Asamblenë e Përgjithshme të INTERPOL-it.
Pacolli një ditë para votimit në Asamblenë e Përgjithshme të INTERPOL-it lidhur me anëtarësimin e Kosovës në këtë organizatë tha se Kosova ndodhet në një pozicion shumë të mirë dhe shpreson se nuk do të ketë surpriza negative.Ai theksoi se ka një vit që pothuajse tërë punën ia kenë dedikuar kësaj çështjeje.“Besoj që Kosova do të jetë anëtare e INTERPOL-it”, u shpreh Pacolli, duke shtuar se është shumë me rëndësi që Kosova të jetë anëtare e INTERPOL-it.
Sipas tij, deri sot gjithçka ka shkuar sipas planit, ndërsa tha se votimi në Asamble të INTERPOL-it është i fshehtë.Pacolli tha se beson që Kosova që nga e marta në 11:00, sipas orës lokale do të jetë anëtare e INTERPOL-it, përgatiti Express. (b.an)
