Filmi biografik për ish-zonjën e parë të SHBA-së Jackie Kennedy, që e bleu kompania filmike Fox Searchlight Pictures, do të transmetohet pak para sezonit të Oscar.
Historia për jetën e Jackie Kennedy mbërrin në kinematë më 9 dhjetor dhe pritet të ketë në rolin kryesor Natalie Portman që konsiderohet me filmin në mesin e favoritëve për të fituar Oskar për aktoren më të mirë.
Aktorja luan zonjën popullore të parë “Jackie”. Filmi hapet me vrasjen e presidentit amerikan John F. Kennedy në nëntor të vitit 1963, dhe ndjek katër ditët e para në jetën si të ve të zonjës së parë fill pas kësaj ngjarjeje tragjike.
Filmi tregon për jetën e Jackie Kennedy, për ditët kur ajo u bë një ikonë dhe pastaj momentet kur çdo gjë është e humbur. Në fabul përshkruhet frika, vuajtjet dhe konfuzioni i një prej grave më të adhuruara të shekullit të 20-të.
Ngjarjet që pasuan vrasjen, me planifikimin e funeralit të John F. Kennedy, duke lëvizur në Shtëpinë e Bardhë, betimi i Lyndon Johnson janë paraqitur nga perspektiva e të vejës së tij.
Filmi është realizuar nga kiliani Pablo Loren, i njohur për filmin e tij “No” me ekipin e agjentëve të reklamave që ndihën në përmbysjen e diktatorit Augusto Pinochet, përgatiti BETA. (b.an)
