Nje film i vjeter i Bekim Fehmiut per Nënë Terezen do shfaqet ne Kosovë. Bekim Fehmiu shfaqet me plis duke ndezur tre qirinj, shkruan Koha Ditore. Është me veshje tradicionale shqiptare e me mustaqe. Luan shqiptarin tipik duke portretizuar të atin e Nënë Terezës, Nikollë Bojaxhiun në filmin italian “La Voce” (Zëri) nën regji të Brunello Rondit.
Në një insert gati dyminutësh, të cilin koleksionisti Edmond Isufi e ka shpërndarë në rrjetet sociale, nuk merret vesh edhe shumë se si shtjellohet ngjarja.
Isufi prej 11 vjet merret me koleksionimin e filmave ku ka luajtur edhe aktori shqiptar me famë botërore, Bekim Fehmiu, ka një histori disamujore derisa e ka gjetur filmin që është prodhim midis radiotelevizionit italian RAI dhe shtëpisë filmike të ish-Jugosllavisë “Jadran”.
Produksioni i vitit 1982 ku rolin e nënës së Gonxhe Bojaxhiut, Dranes, e luan aktorja Marisa Belli, e rolin e Nënë Terezës, Liliana Tari, në 122 minuta shpalos historinë e fëmijërisë së nobelistes shqiptare. Me producent Oscar Brazzin, rrëfimi në filmin që në origjinal flitet gjuha italiane, shtrihet gjatë fëmijërisë së Nënë Terezës dhe kohën kur ajo vendos të bëhet motër nderi.
Edmond Isufi që nga viti 2005 i ka vënë vetes pikësynim që të mbledhë filmat ku luan Fehmiu. Deri tani ka siguruar 45 dhe në Gjakovë ku jeton ka një “mini-muze” me posterë e kopje filmash ku ka luajtur Fehmiu. Filmin me titull origjinal “La Voce” që paraqitet edhe në gjuhë të tjera, ka kohë që e ka kërkuar (më shumë, sot në “kohën Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
