Kryeministri Edi Rama, në një bashkëbisedim me gazetarët në Velipojë, deklaroi se ky është viti ku i jepet fund atij që e quajti “film” të kanabisit.
“Bashkimi Europian është i mirëinformuar për progresin që kemi bërë në luftën kundër kanabisit. Është progres i jashtëzakonshëm dhe ky vit e mbyll këtë film”, tha Rama.
Letra e Drejtorit të Përgjithshëm të Policisë së Shtetit, Haki Cako drejtuar ministrit të Brendshëm që e vinte në dijeni për mosfunksionimin e sistemit të radarëve në det, çka sipas tij ishte bërë pengesë për kapjen e skafeve me drogë që mund të niseshin nga Shqipëria është komentuar sot në mëngjesin e punës me gazetarët, nga kryeministri Rama.
E duke vijuar në linjën se lufta ndaj kultivimit të drogës dhe trafikimit të saj është në rrugë të mbarë, kryeministri këshilloi: “Gjeni një tjetër film me se të merreni”.
a.ç
