Përmirësohet situata e zjarreve në zonën e Mallakastrës pas më shumë se një jave emergjence dhe rreziku.
Pas ditësh të tëra përpjekjesh, falë punës dhe sakrificës së forcave operacionale të angazhuara në terren dhe natyrisht ndihmës nga ajri me avionë dhe helikopterë, gjatë ditës së enjte është arritur kontrolli dhe izolimi i plotë i vatrës së zjarrit në ekonominë pyjore Drenie-Lofkënd-Ngraçije-Gjinoqar, në bashkitë e Mallakastrës dhe Patosit.
Ndërkohë, strukturat e këtyre bashkive do të vijojnë monitorimin e vazhdueshëm të perimetrit të zonës, për të parandaluar çdo riaktivizim të mundshëm të zjarrit, që shpeshherë favorizohet edhe nga erërat që fryjnë në zonë.
