Persona ende të paidentifikuar nga policia kanë tentuar të vjedhin në një banesë në Roskovec të Fierit dhe pasi janë pikasur nga pronari dhe kushëriri i tij autorët kanë nisur të hapin zjarr ndaj tyre.
Ngjarja është shënuar rreth orës 20:20, kur , persona të paidentifikuar kanë shkuar për të vjedhur në banesën e shtetasit A. Ç, rreth 65 vjeç. Ata janë pikasur nga ky i fundit dhe kushëriri i tij.
Autorët kanë qëlluar me armë zjarri në drejtim të dy kushërinje dhe për pasojë ka mbetur i plagosur kushëriri, A. Ç, rreth 40 vjeç, i cili ndodhet në spitalin e Fierit nën kujdesin e mjekëve.
Polici ka mbërritur menjëherë në vendngjarja dhe janë ngritur pika kontrolli, si dhe vijon krehja e zonës për të bërë të mund kapjen e autorëve.
Fier/Informacion paraprak
Sot rreth orës 20:20, në Roskovec, persona të paidentifikuar kanë shkuar për të vjedhur në banesën e shtetasit A. Ç, rreth 65 vjeç, por janë pikasur nga pronari dhe kushëriri i tij.
Autorët kanë qëlluar me armë zjarri në drejtim të dy kushërinjve dhe për pasojë ka mbetur i plagosur kushëriri i pronarit të shtëpisë, shtetasi A. Ç, rreth 40 vjeç, i cili ndodhet në spitalin e Fierit nën kujdesin e mjekëve.
Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorëve.
Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorëve./a.p
