Fier, merrnin 350-700 € për punësim në Katar, në kërkim 2 persona

Dy persona janë shpallur në këkrim në Fier, pasi në bashkëpunim me njëri-tjetrin iu kanë marrë 350 – 700 euro disa personave, duke iu premtuar se do ti punësonin në Katar.

Sipas të dhënave të policisë, në këkrim janë shpallur I.L 47-vjeç nga Tirana dhe M.B 48-vjeç nga Lushnja, për veprat penale “Mashtrimi” dhe “Ushtrimi i ndikimit të paligjshëm”.

Në periudhën Dhjetor 2015 – Janar 2016 ata kanë mashtruar persona të ndryshëm duke i marrë shumën prej 350 euro deri 700 euro me pretendimin se do t’i siguronin kontratë pune në shtetin e Katarit shtetasve:

-L.Sh., 32 vjeç, banues në lagjen “20 Tetori”, Lushnje.

-G.D., 45 vjeç, banues në fshatin Dushk, Lushnje.

-O.H., 32 vjeç, banues në lagjen “18 Tetori”, Lushnje.

-F.B., 43 vjeç, banues në lagjen “20 Tetori”, Lushnje.

-B.K., 53 vjeç, banues në fshatin Gërmenje, Lushnje.

-A.M., 32 vjeç, banues në lagjen “20 Tetori”, Lushnje.

ma.me