Policia e Fierit ka vënë në pranga një 25-vjeçar, i cili u kap në flagrancë duke drejtuar një furgon mallrash, me një sasi të konsiderueshme lëndë narkotike, të llojit kanabis sativa.
Burime zyrtare nga policia e Fierit bëjnë të ditur se në pranga ka rënë shtetasi Eltion Lama, lindur dhe banues në Tepelenë, pasi në furgonin që ai drejtonte, tip ‘Opel Vivaro’, u gjetën 402 kg kanabis.
NJOFTIMI I POLICISE:
Specialistët për Hetimin e Narkotikëve në Drejtorinë Vendore të Policisë Fier, në bashkëpunim me Komisariatin e Policisë Fier, kanë bërë të mundur arrestimin në flagrancë të shtetasit:
-Eltion Lama, 25 vjeç, lindur dhe banues në Tepelenë.
Arrestimi i tij u bë pasi gjatë ditës së djeshme, në rrugën nacionale , është bërë ndalimi i automjetit tip furgon (mallrash) Opel Vivaro, dhe nga kontrolli i ushtruar brenda në furgon janë gjetur dhe sekuestruar në cilësinë e provës materiale 402 kg lëndë narkotike e dyshuar Cannabis Sattiva.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve” dhe “Trafikimi i narkotikëve” i mbetur në tentativë, parashikuar nga Nenet 283/1, 283/a e 22 të Kodit Penal.
shqiptarja.com/d.i.
